በጀነቲክ ሀብትና የማኅበረሰብ ዕውቀት አርክቦት የማኅበረሰብ መብቶች አዋጅ ቁ.482/1998 አንቀጽ 23 ንዑስ አንቀጽ 1 መሠረት ጀነቲክ ሀብት አሰሳ ለማድረግ የሚፈልግ አመልካች ከዚህ በታች የተጠቀሱትን መሥፈርቶች አሟልቶ ሊያቀርብ ይገባል፡፡

1. ጠቅላላ መረጃ

• የአመልካቹ ወይም የድርጅቱ ስም (የተፈጥሮ ወይም በሕግ የሰውነት መብት የተሰጠው አካል)፣
• የተመዘገበ አድራሻ እና የተቋቋመበት ሰነድ (የሰነዱ ኮፒ ይያያዛል)፣
• በታቀደው አሰሳ ውስጥ የሚሳተፉት ሰዎች ስም ዝርዝርና ሙያ (ካሪኩለም ቪቴ ይያያዛል)፣
• የአሰሳ ማመልከቻውን በሚመለከት ግንኙነት ማድረግ የሚቻለው ሰው ስም፣ አድራሻ እና በድርጅቱ ውስጥ ያለው ኃላፊነት፣

2. ዝርዝር የአሰሳ መረጃ

• በጀነቲክ ሀብት ላይ አሰሳ ለማድረግ የሚቀርብ ሕጋዊ ማመልከቻ ደብዳቤ፣
• የአሰሳው ዓላማ በዝርዝር፣
• የሚታሰሰው የጀነቲክ ሀብት ዓይነት፣
• አሰሳው የሚካሄድበት አካባቢ፣
• አሰሳው ሊካሄድ የታቀደበት የጊዜ ሠሌዳ፣
• የአሰሳ ማመልከቻው ላይ በበቂ ግንዛቤ ላይ የተመሠረተ ውሳኔ ለመስጠት ሊረዳ የሚችል ማንኛውም መረጃ፣

3. ቃለ መኃላና ፊርማ

• ኃላፊነት ያለው ሰው ስም፣
• ኃላፊነቱ (በሕግ የሰውነት መብት የተሰጠውን አካል በመወከል ከሆነ)፣
• ፊርማና ቀን